ođđajagemánu 28. beaivi 2021

Ođđa almmuhusat Gielladåjma ÁGÅRij ja Gïeledarjomh MAGE:se

Sámi lohkanguovddáš almmuha girjjiid Gielladåjma ÁGÅRij ja Gïeledarjomh MAGE:se

ÁGOR (Árra GiellaOvdáneami Registreren) lea giellaáicanreaidu mánáidgárdái. Sámi lohkanguovddáš lea dál doaimmahan ÁGORii resursagirjji julevsámegillii: Gielladåjma ÁGÅRij ja lullisámegillii: Gïeledarjomh MAGE:se. Davvisámegielgirji Gielladoaimmat ÁGORii almmuhuvai 2019:is.

Girjjis leat árvalusat gielladoaimmaide, ja čájehit oktavuođa giela áicama ja doaimmaid gaskkas. Mii sávvat ahte mánáidgárddit váldet atnui árvaluvvon gielladoaimmaid ja sávvat lihkku giellabargguin mánáidgarddis!

 

Girjjit leat oažžumis Davvi Girjji lágádusas:

https://www.davvi.no/