Dáhpahusat:

konferánsa
cuoŋománu 16. beaivi 2024 to cuoŋománu 17. beaivi 2024

Sámi pedagogalaš fágabeaivvit

Sámi pedagogalaš fágabeaivvit lágiduvvojit 16.-17.04.2024 Bådåddjos.

Seminára
ođđajagemánu 09. beaivi 2017 to ođđajagemánu 10. beaivi 2017

PEDAGOGÁLAŠ DOKUMENTAŠUVDNA

 

«Pedagogalaš dokumentašuvdna ja sámi pedagogalaš jurddašeapmi – makkár oktavuođat leat?”

Sámi allaskuvlla bovde gelddolaš seminárii pedagogalaš dokumentašuvnna birra mánáidgárddiin. Ulbmiljoavku lea studeanttat, mánáidgárdebargit, fágaolbmot ja lea maid rabas eará berošteddjiide.

“Pedagogalaš dokumentašuvdna lea bargovuohki mas pedagogalaš bargu dahkko oidnosiin ja rabasin dulkomii, gulahallamii, digaštallamii ja oahppamii. Mánáidgárdepraksisa dokumentašuvdna šaddá pedagogalaš dokumentašuvdnan go bargit ja mánát guorahallet ja digaštallet dan. Bargovuohki čatná oktii árvvuid, bargovugiid, mánáidgárdemandáhta ja pedagogalaš ja filosofalaš teoriijaid.” (udir.no)

Mona Nicolaysen, mánáidgárdeoahpaheaddji mastergrádain mánáidgárdepedagogihkas, oahppan pedagoga Reggio Emilia Instituhtas, Stockholmas, lea logaldallin. Son lea ráhkadan doarjjamateriála

ovttasráđiin Oahppodirektoráhtain. Sus lea guhkes vásáhus, ollu gelbbolašvuohta dáinna bargovugiin ja lea okta gii buoremusat dovdá dán Norggas.

Logaldallan lea dárogillii ja dulkojuvvo sámegillii.

PROGRÁMMA

Vuossárga/mánnodat 9. b. ođđajagimánnu

1100 – 1130 Beaiveborran - kantiinnas, Diehtosiiddas

1130 – 1145 Seminára ráhpan

1145 – 1330 Pedagogalaš dokumentašuvdna – introduseren. Mona Nicolaysen

1330 – 1345 Káfeboddu

1345 - 1530 Pedagogalaš dokumentašuvdna prošeaktabargu. Mona Nicolaysen

1530 Beaivvi loahpaheapmi

Maŋŋebárga/disdat 10. b. ođđajagimánnu

0900 – 1030: Pedagogalaš dokumentašuvdna reflekšuvdna ja bargobádji

1030 – 1045: Boddu

1045 – 1200: Pedagogalaš dokumentašuvdna - reflekšuvdna ja bargobádji

1200 – 1215: Loahpaheapmi

 

Seminára lea nuvttá, muhto oasseváldit fertejit ieža gokčat mátke- ja orrungoluid. Sámi allaskuvla guossoha gáfe/deaja ja šattuid/gáhku. Lea vejolašvuohta oastit lunšša kantiinnas.

Dieđit ovdal 05.01.2017 e-poastta bokte anneise@samiskhs.no. Atte maid dieđu jus dárbbašat idjasaji. Váldde áinnas oktavuođa jus dárbbašat lagabui dieđuid e-poastta bokte dahje tel. +47 78448516

Loga eanet Oahppodirektoráhta ruovttosiiddus:

http://www.udir.no/kvalitet-og-kompetanse/kvalitet-i-barnehagen/verktoy-...