cuoŋománu 05. beaivi 2020

Čállot! Čállingilvu mánáide ja nuoraide

Servet čállingilvui!

Sámi lohkanguovddáš hástá dál mánáid ja nuoraid searvat čállingilvui.                            

                                

          

                             

Njuolggadusat:

  • Čállingiella lea davvisámegiella, julevsámegiella dahje lullisámegiella.
  • Čállingilvu lea mánáide ja nuoraide geat leat vuođđoskuvlla ja joatkkaskuvlla agis. Mis leat 4 ahkeluohká:
  • 1-4 ceahkki, (riegádan jagi 2010-2013)
  • 5.-7.ceahkki, (riegádan jagi 2009-2007)
  • 8.-10 ceahkki, (riegádan jagi 2006, 2005, 2004)
  • Joatkkaskuvlla dássi (riegádan jagi 2003-2001)
  • Čállosiid guhkkodat galgá 1.-7. ceahkis unnimusat 50 sáni.
  • Čállosiid guhkkodat galgá 8.-10. ceahkis ja joatkkaskuvlla dásis unnimusat 150 sáni. Dát ii guoskka diktašáŋŋerii.
  • Čálus galgá sáddejuvvot e-poasta čujuhussii lohkanguovddas@samiskhs.no maŋemusat geassemánu 01. beaivvi.

 

Vállje fáttá:

  1. Čále juoidá árgabeaivvis mii du mielas lea buorre dahje heitot, juoidá mii movttiidahttá dahje suhttada. Sáhtát čállit:
          • reiven muhtumii boahtteáiggis
          • beaivegirjji hámis
          • fearána, dáhpáhusa
  2. Loga muhtun sámegielat girjji. Makkár du mielas lei girji? Makkár dovdduid, jurdagiid ja oaiviliid bovttii girji?
  3. Vállje ieš tema ja šáŋŋera.

 

Čállosiid almmuheapmi:

  • Čállosat mat bohtet gilvui almmuhuvvojit sierra gihppagis ja lágideddjid neahttasiidduin (lohkanguovddas.no, Ovttas.no ja dáid facebooksiidduin)
  • Mii divvut čállinmeattáhusaid/giela čállosiin ovdalgo almmuhit daid.
  • Čálli sáhttá maiddái dáhttut ahte čálus almmuhuvvo pseudonyma namain.

Vuorbádeapmi

  • Vuoitočállosat válljejuvvojit dan dan vuođul mo teaksta nákce lohkkiide addit buriid lohkanvásáhusaid ja mas vuhtto čállinmokta.
  • Čállosat válljejuvvojit jury bokte, juohke ahkejoavkkus ja guhtege sámegiela ektui lea 1. ,2. ja 3. vuoitu.
  • 1. saji vuoitu: jođaskeahtes belljosat (wireless headphones), 2. saji vuoitu: bluetooth skájan ja 3. saji vuoitu: girjepáhkka. Dasa lassin vuorbádit 5 vuoittu (Powerbank) buot eará oassálastiid gaskkas.

Searvanskovvi

Leat go muitán:

Russes:

Bajilčállaga

 

Nama ja agi ja makkár luohkkái gulat

 

Skuvlla nama

 

Iežat nama ja goarggu čállosa vuolábeallái

 

Jus háliidat pseudonyma namain almmuhit, čále dan pseudonyma nama dása:

 

 

Gulahallat ovddasteddjiin/váhnemiin lea go ortnegis ahte du teaksta almmuhuvvo

 

Oahpaheaddjit sáhttet sáddet čállosiid ohppiid ovddas.

 

Sádde čállosa lohkanguovddas@samiskhs.no ovdal geassemánu 01. beaivvi. 2020.