Seminára mánáidgárddebargiide ja eará berošteddjiide

Seminára mánáidgárddebargiide ja eará berošteddjiide cuoŋománu 25.- 26. beivviid, Scandic Ishavshoteallas, Romssas.

Fáddá: Sámi mánáid ođđaáigásaš árgabeaivi mánáidgárddiin

Mánáidgárdesuorgi ođasmahttojuvvo dađistaga ja dat mielddisbuktá earret eará ahte ođđa rámmaplána galgá sajustuvvot buot mánaidgárddiide. Rámmaplánas lea sámi sisdoallu hui guovddážis, mii mielddisbuktá hástalusaid mánáidgárdebargiide. Sámi mánáidgárddit galget sámi vuolggasaji ja konteavstta ektui, duohtandahkat dan ođđa rámmaplána ollislaččat. Sámi mánáin leat vuoigatvuođat árgabeaivái mánáidgárddis mas lea alla kvalitehta. Mánát galget beassat geavahit iežaset giela, kultuvrra, ja maid ovdánahttit sin sámi identitehta.

Dieđihanáigemearri lea 22.03. Dieđiheapmi dás.

Gulahallanolbmot: Ráđđeaddi Ellen Janne Siri, +47 78 48 42 22, seniorráđđeaddi Anne Jannok Eira, +47 78 47 40 48

Prográmma

Gaskavahku cuoŋománu 25. beaivvi  

09.00  Seminára rahpan, Sámediggeráđi lahttu Mikkel Eskil Mikkelsen
09.15  Diehtojuohkin Sámedikki mánáidgárdejuhkosa bargguid birra, fágajođiheaddji, Marianne Helene Storjord
09.30  Sámedikki “ Sámi mánát ođđa searvelanjain “ mánáidgárdeprošeavtta ovdánbuktin, prošeaktajođiheaddji
10.00  Boddu
10.15  Ságastallamat oktan bottuin
11.30  Barggut implementeret rámmaplána sámi sisdoalu mánaidgárddiide, Oahpahusdirektoráhtta, Cecilie Langholm ja Solveig Helene Aksnes
12.00  Beaiveborran/Lunša
13.00  Cecilie ja Solveig joatkiba
13.30  Boddu
14.00  Ságastallamat 
14.30  Sámi mánáidgárddi barggut implementeret rámmaplána, fágajođiheaddji Anne Lill Sarabakken, Guovssahas mánáidgárdi, Romssas
15.00  “Giellariššu“, professor Øystein A.Vangsnes, Norgga Árktalaš universitehta 
15.45  Čoahkkáigeassu, Sámediggi
16.00  Beaivvi loahpaheapmi

Duorastaga cuoŋománu 26. beaivvi

09.00  “Makkár kultuvrralaš suodjalusfáktorat ovddidit movtta sámi mánáin”, dutki Kristine Nystad
10.00  Boddu
10.30  “Sámi máná giellahástalusat dáčča birrasis - váhnenperspektiiva“, váhnen Ina Marita Mienna-Vimme
11.15  Diehtojuohkin pedagogalaš ávdnasa birra - “Mu gorut”, bargi Tanja Renate Tunelv Valio, Mánáidviessu, Romssas
12.00  Loahpaheapmi, Sámediggi
12.15  Beaiveborran/lunša ja ruoktot vuolgin