Saemien gïelekonferanse 2019

Saemien gïelekonferanse 2019 – læjkoedidie daatovidie!

Saemiedigkie saemien gïelekonferansese böörede Romsesne goevten 4. jïh 5. b. 2019. Konferanse öörnesåvva hotellesne Clarion Hotel The Edge.

Saemiedigkie aktine guhkiebasse gïelebarkojne gïehteleminie maam mijjieh gohtjeme Gïelelutnjeme. Daate akte ellies jïh vihties barkoe saemien gïeline gaajhkine siebriedahkesuerkine. Saemiedigkien visjovne lea saemien gïelh edtjieh iemie, siebriedahkeguedtije jïh jielije gïeline årrodh siebriedahkesne. Mijjen maadthvuajnoe lea nöörjen jïh saemien gïelh edtjieh mïrrestalledh jïh seammavyörtegs gïeline årrodh. Daate aktem nænnoes gïelebarkoem kreava siebriedahkesne, gusnie gaajhkh aktöörh maehtieh viehkiehtidh saemien gïelide lutnjedh.

EN lea nænnoestamme 2019 edtja gaskenasjonaale jaepie årrodh aalkoealmetjegïelide. Saemiedigkie sæjhta dam gïelekonferansesne mïerhkesjidh, gusnie jeatjah aalkoealmetjh aaj sijhtieh stïeresne årrodh.

Mijjieh daam vuejnebe goh akte aalkoe saemiedigkien gïelebarkose – Gïelelutnjeme, jïh sæjhta dïhte voestes stööremes mïerhkesjimmie årrodh dehtie gaskenasjonaale aalkoealmetjegïelejaepeste. Mijjieh sïjhtebe saemien tjïelth, gïelejarngh, gïele- jïh kultuvreinstitusjovnh, privaate jïh byögkeles aktöörh jïh jielemem jïh aalkoealmetjh ovmessie bielijste veartanistie konferansese bööredidh. Konferansen teema sæjhta gïelelutnjeme årrodh ovmessie njieptjine jïh siebriedahkesuerkine.

Daelie programmine konferansese barkeminie, jïh lïenghke sïjsebieljelæmman konferansese sæjhta varke båetedh.

Vielie bïevnesh:

Sámediggi.no