Kártengeahččaleamit

2022 čavčča váldojuvvojit ođđa kártengeahččaleamit lohkamis atnui 3. ceahki váste. Leat 3. jc. oahppit geain lea sámegiella vuosttašgiellan geat galget čađahit kártengeahččaleami. Geahččaleami ulbmil lea iskkadit leat go oahppit geat dárbbašit sierra čuovvoleami.

Geahččaleamit leat digitálalaččat ja skuvla dieđiha ohppiid Oahpahusdirektoráhta neahttačovdosis geahččaleapmái. Skuvla sáhttá maŋŋel go leat čađahan geahččaleami viežžat joavkku, dahje skuvlla bohtosiid seamma čovdosis. 2023 giđa váldojuvvojit maiddái 1. jahkeceahki kártengeahččaleamit atnui. Eanet dieđuid sámegiela lohkama kártengeahččalemiid birra gávdná Oahpahusdirektoráhta neahttasiiddus. Doppe gávdná maid geahččaleami ovdamearkka mainna oahppit sáhttet oahpásnuvvat geahččaleami bargobihtáide ovdal go čađahit ieš geahččaleami.

Sámi lohkanguovddáš lea ráhkadan sámegiel kártengeahččalemiid davvisámegillii, julevsámegillii ja lullisámegillii Oahpahusdirektoráhta ovddas.