TRAS julevsámegillii

Sámediggi lea juolludan doarjaga Sámi lohkanguovddážii jorgalit, heivehit ja prentet TRAS – Tidlig Registrering av Språkutvikling dárogielas julevsámegillii. Ovdalaččas lea dát jorgaluvvon ja heivehuvvon davvi- ja lullisámegillii.
Tras (davvisámegillii ÁGOR) lea áicanreaidu mii adno 2-5 jahkásaš mánáid giela áicamis beaivválaš dilis. Dát reaidu jorgaluvvo ja heivehuvvo dál julevsámegillii, ja geahččaluvvot referánsajoavkku bokte dađistaga.
Girji ja skovit almmuhuvvojedje árrajagi 2016.