Digitála reaiddut sámegiela lohkamii ja čállimii

Čállinveahkkeneavvut

  • Divvun prográmmat: Gielladárkkisteapmi, boallobeavdi, sátnegirjjit, jorgaleapmi. Viečča dáppe.
  • Skuvlačála:

Skuvlačála lea álkes čállinprográmma mas lea sámegielat jietnasyntesa (teavsttas hupmamii). Go boallobeavddis deaddilat bustávaid, de gullo bustávvajietna. Go deaddilat sátnegaskaboalu, de dadjá hupmansyntesa sáni maid leat čállán, ja olles cealkaga gaskamearkka bokte (ii fal rihkku). Sánit merkejuvvojit ivnniin dađistaga go hupmansyntesa lohká olles teavstta maid leat čállán, vai mánnái lea álkit čuovvut teavstta logadettiin. Viečča dan dáppe: https://www.statped.no/laringsressurs/sprak-og-tale/samisk-spraktale/skuvlaala-davvisamegiellanordsamisk/?fbclid=IwAR1oskoyBni5xh5NDraly_WkGg-rcL-RrxNDwtfnT1W_UmnqckESx9NEXOc

 

Lohkanveahkkeneavvut

Viečča sámegielat hállansyntesa dihtorii dahje neahttabrehttii vai beasat logahit dihtora teavsttaid sámegillii. Dasto beasat logahit dihtora jitnosit oahppogirjjiid ja visot eará sámegielat teavsttaid neahtas ja dokumeanttain.

  • Hállansyntesa:

Divvun ja Sámediggi leat ráhkadan davvisámi hállansyntesa ovttas Acapelain. Hállansyntesain, dehe teavsttas-hállamii, šaddá vejolaš dihtorii lohkat teavstta jitnosit ollu prográmmain. Šearbmalohkanprográmma olis (ferte sierra háhkkojuvvot) sáhttá dihtor jitnosit lohkat visot teavstta mii oidno šearpmas. Gávdnojit guokte sámi jiena, nubbi lea nissonjietna ("Elle"), nubbi fas dievddujietna ("Biera"). Davvisámi hállansyntesa gávdno guovtti veršuvnnas: http://divvun.no/se/tale/tale.html

  • Matematihkka bargobihtáid sáhttá álkit bidjat jietnan, jus skánnet dáid bokte: Skannensáhpána, s-peanna, dahje govvema bokte.