Mánáidskuvla
Giellabálgát lea nuvttá neahttaresursa sámegiela njálmmálaš giela ovdánahttima váste ja lohkan- ja čállinoahpahusa váste. Dát oassi lea erenoamážit jurddašuvvon oahpaheddjiide mánáidskuvlla - sihke smávvaskuvlla ja gaskadási - oahpaheddjiide das movt sáhttá bargat njálmmálaš sámegiela ovdánahttimiin ja erenoamážit lohkan- ja čállinoahpahusain. Resurssas leat sihke teorehtalaš vuođđu ja praktihkalaš bargguid evttohusat. Ulbmil lea ahte skuvllaid jođiheaddjit ja oahpaheaddjit ožžot eambbo gelbbolašvuođa fágasuorggis ja movt iešguđetge fágain sáhttá bargat ovddidit lohkama ja čállima.
Guđege oassái gávdná rávvagiid movt sáhttá bargat dainna.
Sámi lohkanguovddáš lea almmuhan siiddu, ja Sámediggi lea ruhtadan barggu.
Dán álggahusa figgamuššan lea duddjot oktasaš áddejumi das, mo oahpaheaddjit ohppet nubbi nuppis bargguid reflekterema, guorahallama ja ságastallamiid bokte. Páhkas lea várrejuvvon áigi árvvoštallat lohkan- ja čállinoahpahusa dálá praksisiid, ja dasto válljet ovddidansurggiid.
