Image
Nuoraidskuvla
Giellabálgát lea nuvttá neahttaresursa sámegiela njálmmálaš giela ovdánahttima váste ja lohkan- ja čállinoahpahusa váste. Dát oassi lea erenoamážit jurddašuvvon nuoraidskuvlla dási oahpaheddjiide das movt sáhttá bargat sámegiela ovdánahttimiin ja erenoamážit lohkan- ja čállinoahpahusain. Resurssas leat sihke teorehtalaš vuođđu ja praktihkalaš bargguid evttohusat. Ulbmil lea ahte skuvllaid jođiheaddjit ja oahpaheaddjit ožžot eambbo gelbbolašvuođa fágasuorggis ja movt iešguđetge fágain sáhttá bargat ovddidit lohkama ja čállima.
Sámi lohkanguovddáš lea almmuhan siiddu, ja Sámediggi lea ruhtadan barggu.
Introdukšuvdna Giellabálgá nuoraidskuvlla dásis. Ulbmil dáinna álggahusain lea hukset oktasaš ipmárdusa oahpaheddjiid gaskkas mii lea vuođđun din skuvlla lohkan- ja čállinoahpahusas, ja maid mearkkaša leat lohkan- ja čállinoahpaheaddji iežas fágas.
Go mii galgat bargat oahppamin ja ovdánahttit oahpu, ipmárdusain ja gálggat fágain, de mii fertet bargat gielain. Lohkan ja čállin lea vuođđogálga ja eaktuda maid ahte hálddašat sihke lohkama ja čállima vuoi sáhtát oahppat.
Go mii galgat bargat oahppamin ja ovdánahttit oahpu, ipmárdusain ja gálggat fágain, de mii fertet bargat gielain. Lohkan ja čállin lea vuođđogálga ja eaktuda maid ahte hálddašat sihke lohkama ja čállima vuoi sáhtát oahppat.
