Snoasa suohkan 10-jagi sámegiela hálddašanguovlun. Åarjel-saemiej skuvle 50-jagi.

Čakčamánu 19. beaivvi rájes gitta 23. beaivvi rádjái leat ávvudeapmi Snoasas. Snoasa suohkan ávvuda go lea leamaš 10-jagi sámegiela hálddašanguovllus ja Åarjel-saemiej skuvle go lea doaibman 50-jagi. Ávvudeapmi álgá čakčamánu 19. beaivvi fágaseminárain “Snåasen tjïelte – Snåsa kommune, 10 år som samisk forvaltningskommune». Ávvudeapmi joatká duorastaga girjealmmuhemiiguin ja teáhteriin. Dalle lea maid rabas beaivi Åarjel-Saemiej skuvles ja Suaaja Maanajgïerties . Bearjadaga lea Åarjel-saemiej skuvle 50-jagi čalmmusteapmi ja ávvomállásat dan oktavuođas. Lávvordaga lea giellaseminára ja iešguđetlágán eará doalut ja konsearttat. Ávvudeapmi loahpahuvvo sotnabeaivvi ipmilbálvalusain.

Báiki: Snoase