Vihtta prinsihpa mat ovddidit čállima 

Čállinproseassain bargat iešguđet fasain dagaha ahte teaksta ovdána ja buorrána. Dá soames ceahkit ja teknihkat:  

1. Plánen:

Jurddariđđu: Čále buot fuomášumiid ja jurdagiid fáttá birra almmá iežat dubmet. Dat veahkeha oaidnit maid dieđát ja man birra dárbbahat eanet diehtit.

Jurddakárta: Ráhkat visuala kártta váldojurdagis ja gullevaš vuollefáttáin. Dát veahkeha struktureret jurdagiid ja oaidnit oktavuođaid.  

2. Álgočálus

Jođanitčállin: Čále bisánkeahttá mearriduvvon áigodaga (omd. 10-30 minuvtta). Guovddážis lea čállit visot jurdagiid ja iige beroštit hámis ja giellaoahpas /grammatihkkas.  

Jurddateaksta. Čále teavstta ovtta jođahassan fáttás vai guorahalat jurdagiid ja fuomášumiid nu ahte ii jurddat vel loahppabohtosa birra.   

3. Revišuvdna

Ođasmahttit: Loga teavstta máŋgii ja rievdat teavstta dárbbu mielde. Sáhttá maid molsut sániid, lasihit váilevaš dieđuid, sirdit teakstaosiid ja čielggasmahttit eahpečielga osiid.  

Máhcaheapmi: Bivdit máhcaheami earáin, omd, čállinjoavkkus. Dat sáhttá addit ođđa geahččanguovlluid ja veahkehit buoridit teavstta.   

4. Redigeren

Giella ja hápmi: Dárkkis teavstta vai lea sihkar ahte giella lea čielggas ja doallevaš. Sihko dárbbašmeahttun sániid ja cealkagiid.  

Hápmen: Dárkkis ahte teaksta čuovvu dárbbašlaš hápmegáibadusaid nugo ahte das leat bájilčállagat, teakstaoasit, govat dahje hámit/figurat.   

5. Korrektuvralohkan

Loga jitnosit: Loga teavstta jitnosit vai fuobmát meattáhusaid ja teaksta šaddá njuovžil.    

Dárkilis iskkadeapmi: Dárkkis ahte eai  leat čállinmeattáhusat, grammatihkkameattáhusat ja čállinmeattáhusat.  

Jus čuovut dáid systemáhtalaččat čállinproseassa olis de sáhttá dat buoridit du teavstta.   

Gáldu: https://skrivesenteret.no/wp-content/uploads/2021/01/bs-2-13_web_kringstad_kvithyld.pdf 

Hábmen: Lisa Baal