Juovlamánu 20. beaivi

Oahpa sáni dahje muittohala muhtun sáni. Ovdamearkka dihte: jiellu/jiella, čuovggáš, árttalaš.

 

Jiellu/jiella (substantiiva)

Áibmu mii lihkada, viesus sáhttá dovdat ahte lea jiellu/jiella láse guoras. Dárogillii: luftstrøm, trekk.

Cealkka ovdamearka: Láse guoras lea  jiellu/jiella.

Jiellut/jiellat: (Veaba)

Cealkka ovdamearkkat:

Bráhkka lei duođai sihke hejot skoađastuvvon ja jielui/jielai, iige bisson liekkasin.

Seinniid vuolleravdii ráhkadeimmet áibmoráiggiid vai bures jiellu/jiellá árranii.

 

Čuovggáš (substantiiva)

Čuovggáš lea skábman čuovgadeamos áigi beaivet. (Dárogillii høydag)

Cealkkaovdamearkkat:

Fina čuovggáš bále čuoigamin.

Mun in ollen čuovggážis ruoktot, šadden seavdnjada čađa deaivat ruoktot.

 

Árttalaš (adjektiiva)

Dárogillii motivert; begrunnet; berettiget

Cealkka ovdamearkkat:

Jus lea árttalaš ja áŋgir oahppat dan, de ii leat váttis.

...válljii árttalaš befálaohppiid...

Politiija dárbbaša árttalaš jođiheddjiid geat áŋgiruššet politiija servvodatbarggu doaimmahit.

..,muhto árttalaš sátnejođiheaddji, gii ieš dávjá čállá ja bidjá govaid neahttasiidui, háliida...

Mii ohcat berošteaddji ja árttalaš mielbargi...

Dat gii lea árttalaš barga vaikko maid.

 

Gáldut: