“Sámegiella lea nu váttis!”
Dá lea jurddašuvvon joavkoságastallamabargun, maid sáhttibehtet bargat maŋŋelgo lehpet lohkan artihkkala “Sámegiela oinnolašvuohta sámi skuvllas” maid Inker-Anni Linkola & Pigga Keskitalo leaba čállán. Jus leat akto, de sáhtát iešheanalaččat suokkardallat.
Jurddaš ahte don barggat oahpaheaddjin muhtin sámi skuvllas gos dii lehpet máŋga sámegielat oahpaheaddji. Dis lea boddu ja lehpet čohkame ja humadeame boddolánjás. De dus okta mielbargi dadjá:
- Sámegiela lea nu ihána váttis lohkat. Mun gal lean váldán dárogielat girjjiid iežan ohppiide, vai eai dárbbaš álo duon sámegiela lohkat.
Du mielas ii lean nu somá dán gullat, go du mielas mii lohkat beare unnán sámegielčállosiid, ja du mielas ii leat sámegiella váddásit ge go eará gielaid lohkat.
- Movt ákkastallat iežat oainnu?
- Mii sáhttá dagahan ahte du mielbargis lea dakkár oaidnu?