Oahpahus: Maŋŋel čállima

Sáttatviehkan

 Movttiidahtti joavkogilvu mas beassá lihkadit.

 - Ráhkat bargobihtáid, áinnas bihtáid main leat golbma vástádusvejolašvuođa, daid lea oahpaheaddjái álki hálddašit.
 - Oassálastit čužžot nuppe geahčen bána. Bagadusárkkat leat sin ovddabealde vulosoivviid. Bargobihtát (okta árka guđege jovkui) leat nuppe geahčen báne, dan bealde gos oahpaheaddji čuožžu. 
- Vuosttaš oassálasti guđege joavkkus rohtte ovtta bagadusárkka, viehká bána rastá seammás go doaimmaha bagadusa. 
- Geahčasta vuosttaš gažaldaga ja mearrida lea go A, B vai C mii leat rievttes vástádus. Manná oahpaheaddji lusa ja dadjá omd. “1A”. Oahpaheaddji nivkala jus lea riekta, oahppi bidjá rieggá 1A birra, ja viehká ruovttoluotta ja sádde boahtte oassálasti mátkái. Jus vástida vearrut, de ii čále maidege, muhto viehká ruovttoluotta ja sádde boahtte oassálasti mátkái, son šaddá maiddái vástidit 1. gažaldaga. - Dat joavku mii lea vuosttažin vástida riekta buot gažaldagaid, vuoitá.

Bagadusat mat lea čállojuvvon árkii sáhttet leat: 
- Jora birrat birra 10 geardde ovdal go viehkalat 
- Viega nu ahte loktet čippiid hui bajás, ja doaškko gieđaid oaivvi bajábealde 
- Viega maŋálas 
- Čiŋkko ovtta juolggi alde 
- Njuikko oktii julggiid 
- Vácce sáhpánlávkkiiguin