Suokkardallanbargu: Oahppit besset 8. luohkkáceahki rájes válljet háliiditgo oahpahusa sámegielas

Ná čállo ráđđehusa neahttasiiddus: 

Vuođđolága § 104 dadjá ahte mánáin lea riekti buktit ovdán iežaset oainnu, go lea sahká áššis mii váikkuha njuolgut mánnái. Dat mii lea buoremus mánnái, galgá leahkit vuođđun, ja mánáid integritehta galgá vuhtiiváldojuvvot. Vuođđoláhka § 109 cealká ahte mánáin lea riekti vuođđooahpahussii. Oahpahus galgá vuhtiiváldit ovttaskas olbmo návccaid ja dárbbuid ja ovddidit demokratiija, riektestáhta ja olmmošvuoigatvuođaid árvvusatnima.

Mánáidlága § 31 boahtá ovdán ahte go mánná lea deavdán čieža jagi, ja vel nuorat mánát geat sáhttet dahkat iežaset oaiviliid, galget oažžut dieđuid ja vejolašvuođa ovdanbuktit iežaset oainnuid ja jurdagiid ovdalgo dáhkkojit mearrádusat mat váikkuhit máná dilálašvuođa. Máná oaivilat galget deattuhuvvot ja vuhtiiváldojuvvot máná agi ja rávisvuođa ektui. Go mánná deavdá 12 jagi, de galgá máná oaivil deattuhuvvot.  Mánát geat leat deavdán 15 jagi, sáhttet mánnálága §  32 vuođul ieža cealkit ja váikkuhit iežaset oahpu ja skuvlavázzima. Dás oaivvilduvvo earet eará ahte go mánná álgá 8. luohkáceahkkái, de beassá ieš válljet háliidago oahpahusa sámegillii ja sámegielas vai eai. 

Suokkardallanjearaldagat:

• Jáhkatgo ahte leat olu oahppit geat válljejit eret sámegiela? 
• Manin jáhkat nuoraidskuvlla oahppit válljejit eret sámegiela ja sámegielfága?
• Movt sáhttit mii váikkuhit ja movttiidahttit sámi mánáid ja nuoraid sámástit?

Gáldu: regjeringen.no 

Jorgalan: RMAG