Riikkaidgaskasaškonvenšuvnnat ja riekti oahpahussii

Norga galgá váldit vuhtii ON Mánáidkonvenšuvnna ja ILO Konvenšuvdna nr. 169 go láhčet oahpahusa sámi mánáide. Suokkardala čuovvovaččat/ dahje digaštala bargoustibiin: 

Movt oaivvildat don ahte dáláš sámi oahpahusfálaldagat ollášuhttet čuovvovaččaid:  

•  ...oahpahusa ulbmilin galgá leat oahpahit mánáide dakkár dábálaš dieđuid ja dáidduid maiguin sii bastet doaibmat servodatlahttun dievvasit ja dásseárvvus sihke sin iežaset servodagas ja riikka dásis.                                                                                                                                                                                         (29 .artihkkala  ILO konvenšuvdna nr. 169, VI. oasis oahpahus ja diehtojuohkin)

• Buot mánáin lea riekti vázzit buori skuvllas, gos besset ovdánit iešguđet ládje ja oahppat movt gudnijahttet olmmošvuoigatvuođaid, meahci ja eatnamiid ja iešguđet kultuvrraid.                                                                                                                                                                                                                              (ON Mánáidkonvenšuvnna artihkal 29)

• Buot eamiálbmot ja unnitlogu álbmot mánáin lea riekti hupmat ja gulahallat iežaset gillii, iežaset kultuvrii, oskui ja jáhkkui.                                                      (ON Mánáidkonvenšuvnna artihkal 30: Eamiálbmogat ja unnitlogu álbmogat)