Sámi lohkanguovddáš lea ráhkadan plakáhta dovdduid-fáttá birra sihke davvi-, julev- ja lullisámegillii. Plakáhtta čájeha ámadajuid ja sániid mat čájehit iešguđetlágan dovdduid maid sáhttá ámadajuin govvidit. Maŋŋel go plakáhta almmuhuvvui, oinniimet ahte dárbbašuvvo bagadus dovdduid birra mánáidgárddiide ja skuvllaide gos leat sámi mánát ja nuorat, mii váldá vuolggasaji sámi kultuvrras. Leat máŋga vuogi ságastallat dovdduid birra ja čájehit dovdduid. Muhtumin mii geavahit eará vugiid gulahallat dovdduiguin go njálmmalaččat.
Mánáidgárddiid rámmaplána geadnegáhttá mánáidgárddiis bargat eallinhálddašemiin ja dearvvašvuođain:
"Mánáidgárdi galgá leat oadjebas ja hástaleaddji báiki gos mánát besset geahččaladdat iešguđet beliid ovttastallamis, searvevuođas ja ustitvuođas. Mánát galget oažžut doarjaga hálddašit vuostálasvuođaid, birget hástalusaiguin ja oahpásmuvvat iežaset ja earáid dovdduide." UDIR: Mánáidgárddi rámmaplána
Gáldut:
UDIR 2017: Mánáidgárddi rámmaplána https://www.udir.no/contentassets/7c4387bb50314f33b828789ed767329e/manaidgarddi-rammaplana--rammeplan-nordsamisk-pdf.pdf
Dovddut – Bagadus mánáidgárdái ja skuvlii | Ovttas/Aktan/Aktesne