Saemien lohkemejarnge plakaatem domtesi bïjre stealladamme åarjel-, julev-, - jïh noerhtesaemien gïeline. Plakaate ååredæjjah jïh baakoeh dej ovmessie domtesi bïjre vuesehte. Mænngan gosse plakaatine galhkeme vueptiestimh bïhkedimmie daerpies, dovne maanagiertine jïh skuvline gusnie saemien maanah jïh noerh jïh mej maadtoe saemienkultuvresne. Gelliej vuekiej mietie maahta domtesi bïjre soptsestidh. Muvhten aejkien jeatjhlaakan domtesidie vuesiehtibie jïh ij gaajhken aejkien soptsestibie.
Maanagïerth edtjieh maanagïerten mieriesoejkesjen mietie jieledehaalveminie jïh healsoejne barkedh. “Maanagïerte edtja jearsoes jïh haestemen sijjie årrodh gusnie maanah åadtjoeh ovmessie bielieh laavenjostoste, ektievoeteste jïh vïenevoeteste pryövedh. Maanah edtjieh dåarjoehtimmiem åadtjodh vuastalimmiem haalvedh, haestemh gïetedidh jïh jïjtse jallh mubpiej domtesh damtedh” (Maanagïerten mieresojkesje).
Mijjieh aaj filmem domtesi bïjre dorjeme.