Webbanner med teksten mánáidskuvla mánájskåvlå, maanajskuvle
Hupmat

Doabaoahppan

Leat olu buorit ákkat manin galgá viššalit ja systemáhtalaččat bargat doabaoahpahemiin mánáidgárddis, mánáidskuvllas, nuoraidskuvllas ja vel joatkkaskuvllas nai. Vuosttažettiin de lea čielga oktavuohta máná sátnemáhtus ja lohkanmáhtu ovdáneamis. Das oaivvilduvvo ahte mánát geain lea ráddjejuvvon sátneriggodat go álget skuvlii, dávjá bártidit lohkamiin go álget vuođđoskuvllii ja dát sáhttá čuovvut gitta nuoraidskuvlii. Ja mánát geain lea nana giella ja sátneriggodat leat dávjá čeahpibut lohkat. Dasa lassin lea čájehuvvon ahte mánát geat ipmirdit ja hálddašit olu sániid ja doahpagiid ohppet ođđa sániid jođáneappot. Dát mánát ohppet sihke ođđa sániid lohkat jođáneappot, muhto sii ohppet maid jođáneappot eará bargguid ja doaimmaid go lohkan. Dát sáhttá boahtit das go mánát ipmirdit buorebut das mii sidjiide muitaluvvo ja čilgejuvvo oahppandilálašvuođain. Lea dehálaš bargat systemáhtalaččat doabaoahppamiin ja dá lea maid buorre vuohki láhčit ja heivehit lohkanoahpahusa ohppiide, eandalii ohppiide geat orrot bártideame lohkamiin.

Gáldut:
UDIR / Utdanningsdirektoratet 22.05.2024: Lese- og skrivevansker.
https://www.udir.no/laring-og-trivsel/spesialpedagogikk/spesialpedagogiske-fagomrader/lese-og-skrivevansker/#a212702

Mánná doallá koartaspealu koartta

Mii lea doabaoahppan, ja manin lea dainna dehálaš bargat?

3 sessions

Dán oasis beasat lohkat movt earuha doahpaga ja sáni. Beasat maiddai veahá lohkat manin lea dehálaš bargat doahpagiiguin.

Open package
Mánná goarttat bustávat ivnnit

Bajit- ja vuolitdoahpagat

2 sessions

Mađi eanet dieđuid olmmoš oažžu ođđa sátnái, dađi álkit lea daid muitit ja oahppat. Dat mearkkaša ahte go bargat ohppiid doabaipmárdusa ja sátneriggodaga ovddidemiin, de sáhttá leat buorre vuohki bargat bajit ja vuolit doahpagiiguin, synonymaiguin ja antonymaiguin.

Open package
oahppi cegge gieđa oahpaheaddji čuožžu smarttávvala luhtte

Doabaoahppan luohkkálanjas

3 sessions

Go luohkkkálanjas bargá doabaoahpahemiid, de lea buorre vuohki geavahit strukturerejuvvon metodaid mat sihkkarastet ahte oahppit duođai ipmirdit ja máhttet geavahit ođđa doahpagiid maid vásihit. Systemahtalaččat barggadettiin oahppit ožžot čiekŋalit ipmárdusa fágadoahpagiidda ja máhttet de daid buorebut geavahit aktiivvalaččat oahpahusas ja muđui eallimis.

Open package