Maanah gïeh gïeletjoeperh utnieh hov leah seamma gellielaaketje goh jeatjah maanah. Dej gïeleldh haestemh joekehthlaakan vååjnesasse båetieh . Dotkeme vuesehte ahte gååvnese ektiedimmie gïeledåeriesmoeri jïh sosijaale dåeriesmoeri gaskem , jïh mijjieh daamtaj daejtie haestiemidie vueptiestibie joe maanagïerten baeliej.
Aaj vuesiehtamme maanah gïeletsagkesigujmie stuerebe vaahram utnieh lohkeme- jïh tjaelemetsagkesh åadtjodh. Dan åvteste vihkeles daejtie dåeriesmoeride damtijidh jïh råajvarimmiejgujmie båetedh dan aareh goh gåarede .
Gosse daejnie bieline barkh , dellie måjhtesasse bïejh
- buerebe daajroem åadtjoeh guktie maanah maehtieh gïeletsagkesh utnedh
- daajroeh mah goerehtallemedïrregh gååvnesieh maanagïerte-aalteren maanide
- daajroeh mah institusjovnh maehtieh dåarjodh maanagïertem gosse maanah gïeletsagkesh utnieh
- daajroeh man åvteste gïeletsagkesh leah vihkeles juktie råajvarimmieh sjïehtedidh jïh guktie gïelebyjresem nænnoestehtedh maanagïertesne
- daajroem åadtjoeh maam dotkeme soptseste gïeleveeljemen bïjre gosse maanan gïeletjoeperh
- daajroem åadtjoeh guktie goerehtalleme lea vihkeles råajvarimmieh sjïehteladtedh jïh guktie gïelebyjresem maanagïertesne nænnoestidh
- daajroem åadtjoeh maam dotkeme vuesehte gïeleveeljemen bïjre gosse maanah gïeledåeriesmoerh utnieh
- daajroem åadtjoeh guktie gïeledåeriesmoerh maehtieh lohkemem jïh tjaelemem tsevtsedh
Inspirasjovnem viedtjh: Språkvansker | Språkløyper (uis.no)
Faageles sïsvegem dorjeme : Marit Inger Pulk jïh Sara Ellen Anne Eira , seniorraeriestæjjah Saemien sjïerepedagogeles dåarjosne (SEAD).