Álgosiidu

Dál lea Ágorii ráhkaduvvon resursagirji mas leat ollu gielladoaimmat árvaluvvon.   

Ágor lea giellaáicanreaidu mánáidgárdái. Sámi lohkanguovddáš lea dál doaimmahan Ágorii resursagirjji, mas leat árvalusat ollu gielladoaimmaide. Doaimmat Ágorii leat ráhkaduvvon movttidahttit, boktit áŋgirvuođa ja maiddái leat ovdamearkan mánáidgárddi giellabargui. Girjji árvalusat čájehit oktavuođa giela áicama ja gielladoaimmaid gaskkas.

-Mii sávvat ahte mánáidgárddit oidnet árvvu dán reaiddus ja ávžžuhit sámegielat mánáidgárddiid váldit atnui gielladoaimmaid mat almmuhuvvojit buktagis. Lea dárbbašlaš ahte sámegielat mánáidgárddit ožžot lasi veahkkeneavvuid beaivválaš barggus ovddidit mánáid giela, lohket Sámi lohkanguoža bealis Berit Anne Bals Baal, Sárá Elle Eira Heahttá, Randi Juuso geat leat bargan buktagiin. Girji lea oažžumis Davvi girji lágádusas. Ágorii gielladoaimmat lea vuos almmuhuvvon davvisámegillii, muhto sihke julev- ja lullisámegillii lea ráhkaduvvome seamma girji.