Mii leat nuppi oasis dán páhkas válljen bidjat fokusa Minecraft dihtorspellui, sivas go dat lea dál juo sajáiduvvon bures ja gávdnojit ollu buorit oahpahusdoaimmat heivehuvvon dan spellui. Eanaš oahppit ja oahpaheaddjit maid dihtet mii Minecraft lea, ja danin soaitá álkit dan váldit atnui oahpahusas.
Dihtorspeallan oahpahusas
Dihtorspealuin sáhttá lohkama ovdánahttit, buoridit oahppi gulahallama njálmmálaččat ja čálalaččat, kreatiivvalaš beliid oažžut báitit, oahpahit ja čájehit kultuvrralaš doaimmaid ođđa čalmmiiguin. Dán páhkas čájehit ovdamearkkaid mo sáhttá speallama ávkkástallat oahpahusas.
Guovddáš gažaldagat
- Mo sáhttá dihtorspeallama atnit ávkin oahpahusas?
- Leago vejolaš ovdánahttit giela speallama čađa?
Páhka lea hábmen: Ellen Oline Eira Gaup