Guovtte- ja máŋggagielalašvuohta lea ovdamunnin máná kognitiiva ovdáneamis, nu čájehit dutkamušat. Muhto movt sáhttá mánáidgárddis bargat vai nanne sámegiela ovdáneami seammás go máná nubbi giella ovdána. Mánáidgárddi rámmaplánas čuožžu ahte mánáidgárdi galgá ovddidit gulahallama ja giela ja ahte bargit galget "váikkuhit dasa ahte gielalaš girjáivuohta šaddá riggodahkan olles mánnájovkui, doarjut máŋggagielat mánáid geavahit iežaset eatnigiela ja seammás aktiivvalaččat ovddidit ja ovdánahttit mánáid dáro-/sámegiel gelbbolašvuođa". Movt sáhttá mánáidgárdi nannet ja ovdánahttit guovttegielat mánáid sámegiela seammás go majoritehtagielaid? Movt sáhttá ruovttuiguin ovttasbargat? Mii lea dehálaš ahte mánáidgárdi deattuha? Dáin páhkain mii geahčadit iešguđetge beliid guovtte- ja máŋggagielatvuođas.
Guovtte- ja máŋggagielatvuohta
Ollu sámi mánát leat guovtte- dahje máŋggagielagat. Dán gealbopáhkas geahčadit movt guovtte- dahje máŋggagielatvuođain sáhttá bargat mánáidgárddis máná giellaovdáneami buorrin.