Oahppamresursa dåbdoj birra

Sáme låhkåmguovdásj dagáj 2019 plakáhtav manna dåbdo lidjin tiebmán. Maŋŋela li duodden dahkam bagádusáv, filmav ja kårtåjt gåvåj ja bágoj plakáhtas nuortta-, julev- ja oarjjelsámegiellaj.

Bagádus la dåbdoj birra, sáme giela ja kultuvra vuodon. Ulmmejuohkusa li mánájgárde ja skåvlå sáme mánáj ja nuoraj. Bagádusán li aj oajvvadusá dåjmajda ja gåktu dåbdoj máhttá barggat sáme perspektijvas. Bagádusá sisadno l hiebaduvvam mánájgárdij rámmaplána ja Máhttolåpptim 2020 sáme milta.

Låhkåmguovdásj la aktan oahpponævvoportálajn Ovttas – Aktan – Aktesne ja SÁNAG/SANKS psykolåvgåj Anne Lene Turi Dimpas ja Margrethe Bals Utsi dahkam filmav dåbdoj birra. Såj filman giehttoba gåktu mánáj ja nuoraj máhttá dåbdoj birra ságastit. Filmma l dagádum nuorttasámegiellaj, ja la hiebaduvvam julevsámegiellaj ja oarjjelsámegiellaj. UNESCO l prosjevtav rudálattjat doarjjum.

Kårtåjt gåvåj ja bágoj máhttá spellamij adnet, duola dagu spelajda «Nieljega», «Snap», «Kortskalle», «Ietjá bágoj», háddidallamspellaj jali ietjá spelajda. Ietjá adnemoajvvadusá gávnnuji bagádusán.

Mij lip aj dahkam oahppamresursajt "báhkoåhtsåm" gånnå dåbddobágojt máhttá åhtsåt ja "bájnnimárkka" masi máhttá sárggot ja bájnnit iesjgeŋgalágásj dåbdojt.

Dáj oahppamresursaj sihtá Sáme låhkåmguovdásj viehkedasstet ja doarjjot mánájgárdijt ja skåvlåjt bargatjit dåbdoj tiebmán.