Sohkadutkan - doložis dássážii

Dutkanbeivviid oktavuođas lea Sámi lohkanguovddáš bovden sohkagirječálli Nils Johan Heahtta doallat logaldallama.

Heahtta lea dál bargamin ođđa, viiddiduvvon ja ođasmahttojuvvon Guovdageainnu sohkagirjjiin. Girjji vuolggasadji leat guokte ovddeš Guovdageainnu sohkagirjjit.

Logaldallamis Heahtta juohká vásáhusaid ja reflekšuvnnaid go lea bargame ođđa sohkagirjjiin.