Juovlakaleanddar 2025

Mii Sámi lohkanguovddážis lea ráhkadan juovlakaleandara mii lea jurddahuvvon mánáidgárddiide. Dán siiddus gávnnat juovlakaleandara PDF-hámis.
Váikke kaleanddar lea ráhkaduvvon mánáidgárddiid váste, de sáhttibehtet maid dán atnit skuvllas. Diibmá ráhkaduvvui juovlakaleanddar skuvllaid váste. Dan gávnnat das: Adveantakaleanddar 2024 | Sámi lohkanguovddáš
Buot árgabeivviide lea ráhkaduvvon doaibma maid sáhttibehtet ovttas čađahit mánáidgárddis. Mii ávžžuhit ahte rávisolbmot gehččet kaleandara ovdagihtii, vai beassabehtet ráhkkanit doaimmaide.

Muhtin beivviin leat liŋkkat. Go daid deaddila, de boahtá Sámi lohkanguovddáža dahje Ovttas neahttabáikái gos viežžat fiillaid maid čálihat ja juogat mánáide.

Juovlakaleanddar gávdno davvi- ja lullisámegillii (åarjelsaemiengïelesne).