Giella ja lohkandoaimmat

Lohkanboddu ja máinnasteapmi mánáidgárddis lea mávssolaš sihke máná giellaovdáneapmái ja vai mánát huksejit oktasaš referansaid. Muitalusain ja girjjiin deaivvidit sániiguin, sátnehámiiguin ja dajaldagaiguin mat eai gullo min beaivválaš gielas. Jus bargu mánáid giellaovdánemiin galgá lihkostuvvat, de ferte beaivválaččat bargat gielain ja doallat lohkan- ja muitalusbottuid.

Ulbmil dáinna gealbopáhkain lea nannet mánáidgárddiid beaivválaš barggu mánáid giellaoahpahallamiin iešguđet lágan lohkandoaimmaid bokte.

Gealbopáhka barggu čađa ožžot mánáidgárdebargit eambbo máhtu mánáid giellaoahppama birra, vásáhusaid ja máhtu das movt iešguđet lágan lohkanvuogit sáhttet leat reaidun go bargá mánáid gielain ja maiddái oadjebasvuohta pedagogalaš válljejumiin vai lihkostuvvá lohkamiin buot mánáid várás.