Mánáidgárdi: ILO konvenšuvdna
Govva: Árvu
ILO-konvenšuvnna nr 169 váldoprinsihppa lea addit eamiálbmogiidda vuoigatvuođaid seailluhit ja ain ovddidit iežaset kultuvrra. Seammás dát konvenšuvdna geatnegahttá eiseválddiid čađahit doaibmabijuid mat dorjot dán barggu.
ILO-konvenšuvnnas nr 169 leat mearrádusat mat addet eamiálbmogiidda vuoigatvuođaid ieža mearridit iežaset kultuvrralaš ovdáneami, ja beassat oahppat geavahit iežaset giela ja vuođđudit iežaset ásahusaid mat galget sin ovddastit eiseválddiid ektui.
Konvenšuvdna dohkkeha eamiálbmogiid sávaldagaid ja dárbbuid hálddašit iežaset ásahusaid, iežaset eallinvuogi ja ekonomalaš ovdáneami. Dát mielddisbuktá ahte galgat dohkkehit ahte eamiálbmogiid galget beassat bisuhit ja ain ovddidit iežaset identitehta, giela ja oskku, daid stáhtaid rámaid siskkobealde gos ellet. Konvenšuvnnas leat mearrádusat earret eará eanavuoigatvuođaid, barggaheami ja bargoeallima, oahpahusa, oaju ja dearvvašvuođa birra.
Norga lei vuosttáš riika guhte vuolláičálii ILO-konvenšuvnna nr 169. Dát dáhpáhuvvai geassemánu 7. b. 1990, ja doaibmagođii geassemánu 20. b. 1991. Dalle mearriduvvui ahte Norggas galgá konvenšuvdna guoská sámiide.
Teaksta lea vižžon ráđđehusa neahttasiiddus (18.03.2025), ja heivehuvvon giellabálgát neahttasiidui.