Sámi muitalus “Movt čuoika bođii Sápmái” almmuhuvvo fargga 20 gielaide. Sámi lohkanguovddáš ja NAFO bovdeba girjealmmuheapmái golggotmánu 22. b. Diehtosiidii. Almmuhandoaluin šaddá fágalaš prográmma sámi muitalusárbbi, lohkama ja muitaleami birra.
Dáhpahusat:
Beaivvi mearkkašahttin
guovvamánu 21. beaivi 2021
Eatnigielaid beaivi
Guovvamánu 21. beaivvi lea riikkaidgaskasaš eatnigielaid beaivi.
Jagi 1999 mearridii UNESCO ahte guovvamánu 21.beaivi galgá leat riikkaidgaskasaš eatnigielaid beaivi. Ulbmil beivviin lea čalmmustahttit iešguđetge gielaid, ovddidit máŋggagielalaš oahpu ja deattuhit man dehálaš eatnigielat oahpahus lea.
UNESCO deattuha maiddái dán beaivvi man dehálaš lea ahte olbmuin leat girjjit ja eará čállagat iežaset eatnigillii. Dat oktan eatnigielat oahpu deattuhemiin leatge guovddáš áŋgiruššan áššin UNESCOs.
