Juovlamánu 1. beaivi

Čilge muhtun doahpaga. Ovdamearka dihte ruhta, fanas, borga.

Cavileapmi: 

Mii lea doaba?

Doaba mearkkaša sáni sisdoalu olbmo jurdagiin. Iešguđetge gielain leat doahpagat, guhtege gielas leat sánit mat ovdanbuktet doahpaga. Ovdamearkka dihte doahpagii biila lea olbmuin jurdagis diehtu mii lea, ja sátni sámegillii lea biila ja dárogillii bil. Dattege biila sáhttá leat vaikko makkár, muhto das leat eavttut mat čohkkejit doahpaga ovtta kategoriijai. Biila lea fievru, mas leat áinnas njeallje juvlla, goavdi ja čohkkánsajit. Dainna lágiin doaba ovddasta refereantta. Refereanta lea ieš dat áhta. Biila lea ges dan áđa sátni.

(Gáldu: Ordforråd, ordbruk og ordlæring. Anne Golden 2019: 17–18).

Árvalusat movt sáhttá čilget čuovvovaš doahpagiid:

Ruhta:

Ruhta lea šlánte dahje bábir, dahje dušše lohku digitála hámis, mainna máksá.

Ruhta lea ávnnas masa olbmuin lea oktasaš ipmárdus ahte das lea árvu, árvu loguid mielde. Dat árvo-ávnnas geavahuvvo olbmuid gaskasaš gávppašeapmái máksun. Ruhta sáhttá leat iešguđetlágan iešguđetge riikkain dahje guovlluin, sihke hámi, árvvu ja namahusa dáfus.  

Fanas:

Fiervu mii govdu čázis.

Olbmuid fievru čáziin, dat lea dávjá guhkedáleš hámat ja dat govdu čáhcegierragis.

Borga:

Muohtačalmmit mat gahččet almmit.

Dálkefenomena go muohtačalmmit gahččet suohkadin eatnamii.