Sámi muitalus “Movt čuoika bođii Sápmái” almmuhuvvo fargga 20 gielaide. Sámi lohkanguovddáš ja NAFO bovdeba girjealmmuheapmái golggotmánu 22. b. Diehtosiidii. Almmuhandoaluin šaddá fágalaš prográmma sámi muitalusárbbi, lohkama ja muitaleami birra.
Gielladoaibma
golggotmánu 21. beaivi 2019
Speallaneahket
Sámi lohkanguovddáš lágida speallaneahkeda Guovdageainnus, Diehtosiidda kantiinnas, 21.10.2019, diibmu 18.00-20.00.
Lágideapmi lea giellavahkku olis, ja jurdda lea čohkket olbmuid speallat beavdespealuid ja hupmát sámegiela. Guossohit maiddái šattuid ja keavssaid. Lágideapmi heive buohkaide.
Bures boahtin!
