Termh-prosjekte

Prosjekte eelki tjaktjen jaepien 2009. Dan mænngan libie bijjelen 6000 baakoeh Saemiedægkan seedteme. Dejstie Saemiedigkie mahte 2000 jååhkesjamme. Libie 18 gærjah lohkeme (6 siebriedahkefaage, 6 geografije jïh 6 histovrije) mah sjïehteles 5-10 klaasside jïh aaj daaroen skuvlesne nuhtjieh. Desnie jïjnjh nuhtege daaletje baakoeh jïh lahtesh mah vihkeles maehtedh jis sæjhta gieline barkedh. Gosse læstoeh bååstede Saemiedigkeste åådtjeme, dillie vihth baakoejgujmie barkeme jïh jeatjah alternatijvi mietie vuartasjamme, dillie vihth Saemiedægkan. Jïh nemhtie gujhth barkoe jåhteme jïh jåhta. Ovmessie ietniengïelen almetjh prosjektesne meatan orreme.

Vïedtjh baakoelæstoem daesnie.