Home

Gihpa mas čiekŋudit movt sáhttá giellagálggaid ovdánahttit, muhto erenoamážit deattuhuvvo čállin. Lohkan, čállin ja njálmmálaš gálggat leat almmátge proseassat mat mannet giehtalaga oahppanproseassas, ja lea váttis govahallat ovtta gálgga nu ahte earát eai leat mielde.

Gihpa galggašii čájehit oahpaheaddjái makkár doaimmaid sáhttá heivehit iešguđetge fágaide ja diliide go giellagálggaiguin bargá. Lea maid jurdda ahte bargguid galgá sáhttit heivehit luohkáide ja ohppiide geain leat iešguđetlágan dárbbut, go oahppit dárbbašit iešguđet ládje ja iešguđet mađe doarjaga ja bagadallama go galget oahppat čállit.

Geahča gihppaga Ovttas.no siiddus: http://ovttas.no/node/34809