Home

Sámi lohkanguovddáš fállá skuvllaide čuovvolahttin-kurssa mannan čavčča Nationála geahččalemiin sámegiela lohkamis 5. ceahkkái ja 8. ja 9. ceahkkái. Čuovvolahttin-kurssas geahččat lagabui teavsttaid, bargobihtáid ja bohtosiid mat ledje mannan čavčča Sámegiela lohkama nationála geahččalemiin ja movt skuvllat sáhttet bargat lohkangálggaid ovddidemiin. Sámegiela lohkama nationála geahččaleamit galget fátmmastit lohkama vuođđogálgan buot fágain, danne kursa heive buot oahpaheddjiide ja jođiheddjiide. 

Kursafálaldat lea sáddejuvvon skuvllaide ja suohkaniidda. Kursa lea nuvttá. Jus lea beroštupmi dása, de bivdit din váldit oktavuođa e-poasta bokte: lohkanguovddas@samiskhs.no