Årsmøte og medlemstreff
27. november, 08:30 til 15:00
NetSam - Sámi oahpahusa fierpmádat
NetSam - Sámi oahpahusa fierpmádat doallá jahkečoahkkima ja miellahttočoahkkima Álttás, UiT Campus Alta, Brattholmen auditorias 27.11.2015.
Čoahkkimis lea kursa ja stivraválga.
Prográmma:
.
Jahkečoahkkimii ja seammás kursii, dieđihat e-boasttain mikkeloe@samiskhs.no čujuhussii.
Merke e-boastta NetSam jahkečoahkkimii dieđiheapmi, muitte nama(id) maid čállit. Áigemearri lea 19.11.15
Jahkečoahkkima oktavuođas lea maid kursa maid professor Kamil Øzerk doallá. Kurssa namma lea Giellaoahpahus: sámegiella vuosttaš- ja nubbingielloahpahus. Mihttojoavku lea sámegiela vuosttaš- ja nubbingieloahpaheaddjit.
Oahppanjovssus: Kurssa maŋŋel don
- Dovddat iešguđetlágan vuosttaš- ja nubbigiellaoahpaheami lahkonemiid
- Máhtát analyseret iežat praksisa: Áitojuvvon eamiálbmotgiela giellaoahpaheaddji
- Máhtát válljet heivehuvvon metodalaš lahkonemiid
- Máhtát jođihit gulahallama guvlui nubbingielloahpahusa
- Máhtat válljet heivehuvvon oahpponeavvuid
- Máhtát buvttadit oahpponeavvuid sámegiella vuosttašgiellan ja sámegiella nubbingiellan oahpahussii
- Sáhtát ipmirdit hástalusaid duogážiid maid oahppit vásihit sámegiel oahpahusas.
Oassálastin lea nuvttá miellahtuide. Lunša lea maid nuvttá.
Jahkečoahkkin ii streamejuvvo.
