Álgosiidu

Konferánssa ulbmilin lea čalmmustahttit sámi skuvlahistorjjá dutkama njealji riikkas.
​
Ovdanbuktimat guorahallet mii sámi skuvlahistorjásuorggi dutkamis lea dahkkon. Konferánssa oasseváldit ságastallet boahttevuođa dutkandárbbuin. Lea dárbu guorahallat miehtá-sámi oaidninvuogis skuvlahistorjjálaš proseassaid ja olbmuid vásáhusaid.

​Sámi skuvlahistorjádutkan gáibida rievdama: vuosttažin dutkan lea leamašan našunála stáhtaid guovdu, stáhtaráját leat doaibman dutkama vuolggasadjin. Nubbin olbmuid vásáhusaid leat easkka dál guorahallagoahtán. Goalmmádin erohusat guovlluid ja olbmuid gaskka galggašedje deattuhuvvot, vai eat hukse myhtaid sámi álbmoga birra.

Loga eanet dás: Sámi skuvlahistorjákonferánsa