Giellaiskosat ja eará kártenreaiddut

Sámegillii leat ráhkaduvvon ja heivehuvvon muhtun giellaiskosat. Sámi lohkanguovddáš lea ovdánahttán muhtimiid dain. Sámi lohkanguovddáš sáhttá doallat kurssaid main oahpaha geavahit ÁGOR giellaiskosa. TOSP iskosiid sáhttá diŋgot Sámi lohkanguovddážis.

Giellaiskkadanreaiddut

  • ÁGOR - Árra giellaovdáneami registreren (TRAS dárogillii)
    Áicanreaidu mii adno mánáidgárddis (2-5 jahkásaš) mánáid giela áicat beaivválaš dilis. Reidui gullet áicanskovvi, bagadus ja giehtagirji. Gávdno maiddái julev- ja lullisámegillii.  
    Loga eambbo lágádusas dahje Ovttas.no.

 

  • Stoahkan ja gulahallan vuosttaš ovdánanjagiid
    Geavahuvvo dárkut 0-18 mánnosaš mánáid stoahkama ja gulahallama, máná vuosttaš ovdánanjagiid. Girji lea jurddašuvvon mánáidgárdebargiid, erenoamášpedagogaide ja váhnemiidda. 
    Loga eambbo Statped siiddus,  dás dahje Ovttas.no siiddus.

 

  • Guovttejahkásaččaid giella 2
    (Horn ja Hagtvet 1997, davvisámegillii 2008). Systemáhtalaš áicanreaidu man dearvvašvuođadivššár sáhttá geavahit 2-jahkásaččaid dearvvašvuođaiskkadeamis. Ulbmil lea ahte dearvvašvuođadivssár geavaha áicanreaiddu. Reidui gullá geavaheaddjibagadus ja áicanskovvi.
    Loga eambbo lágádusa siiddus dahje Ovttas.no.

 

  • 4-jahkásaččaid giella
    (Horn ja Dalin 2008, davvisámegillii 2008)
    Systemáhtalaš áicanreaidu man dearvvašvuođadivššár sáhttá geavahit máná 4-jahkásaččaid dearvvašvuođaiskkadeamis. Ulbmil lea ahte dearvvašvuođadivssár geavaha áicanreaiddu veahkkin árvvoštallat máná giellaovdáneami.
    Loga eambbo dás.

     

  • SIM - Sámegiela impressiiva morfologalaš teasta
    SIM iskkada máná morfologalaš giellaipmárdusa, ja lea standardiserejuvvon mánáide gaskal 2,5 ja 6,6 jagi. Standardiseremis leat 144 sámi mánáidgárdemáná leamaš mielde. Mánná ii dárbbaš ieš hupmat, dušše cuiget rievttes govvii.
    Loga eambbo Statped-siiddus (dušše dárogillii) dahje ovttas.no siiddus.

 

  • Reynell giellaiskkadeapmi 
    Giellaiskadeapmi mánáide gaskal 1,5 ja 6 jagi. Anne Dagmar Biti Mikalsen, Tor Persen ja Kristen Wirkola leat heivehan iskkadeami davvisámegillii. Reynell giellaiskkadeapmái gáibiduvvo sertifiserenkursa. 
    Loga eambbo dás.

 

  • Davvisámegiel fonemateasta
    Davvisámegiel fonemteasta lea ráhkaduvvon logopedaide ja earáide, ja adno iskat mánáid jietnavuogádaga, ja dábálaš sániid dadjama. Heive 4-jahkásaš mánáide ja boarráseappuide. Teasta lea vuosttaš geardde almmuhuvvon 2009, ja ođastuvvon 2021.
    Loga eambbo Statped-siiddus, lágádusa siiddus ja ovttas.no

 

  • Gielalaš diđolašvuođa iskan
    Smávvaskuvlla váste, 6- jahkásaččaid giellagálggaid iskat, oassin lohkanoahpahusa ráhkkaneapmái. 
    Iskosa ja dasa gullevaš oahpaheaddjibágadusa sáhttá viežžat dás.

 

  • Doabaáddejupmi
    Doabaáddejupmeiskkus sáhttá leat veahkkin go galgá iskat mánáid geat leat maŋemus jagi mánáidgárddis, dahje vuosttaš skuvlajagis. Oahppi doabaáddejupmi lea deaŧalaš, ja iskosiin kárte guđiguin doahpagiiguin lea dehálaš bargat viidáseappot mánáidgárddis ja skuvllas.
    Loga eambbo Statpeda siiddus.

 

  • 6 - 16 jahkásaččaid giella
    Standardiserejuvvon skrinenteasta man Ernst Ottem ja Jørgen Frost leaba ráhkadan ja Anne Dagmar Biti Mikalsen, Tor Persen ja Kirsten Wirkola heivehan davvisámegillii. Teastta ulbmil lea iskat leat go oahppi giellagálggat dan dásis mii vurdojuvvo dan agi olbmos, vai dárbbaša go čuovvoleami. 6-16-jahkásaččaid giella lea iskojuvvon sámegielat 517 skuvlamánnái. 
    Loga eambbo dás.

 

  • RI-5 davvisámegillii 
    RI-5 (Riska Indeaksa 5) lea kártenreaidu mii lea veahkkin iskat ja árvvoštallat man stuora riska 5-jahkásaš mánás lea ovddidit dysleksiija skuvlaagis. Lea veahkkeneavvun gávnnahit dysleksiija riskka nu árrat go vejolaš.
    Loga eambbo Statpeda siiddus.

 

  • Lohkanmáhttuiskan
    Dynámalaš kártenreaidu vuođđoskuvlla váste, mainna iská ohppiid lohkama ja giellamáhtu. 
    Eambbo dieđuid ja iskosa gávdná Statpeda siiddus (siidu lea dušše dárogillii, muhto vuolemusas gávdná davvisámegieliskosa ja bagadusaid).

 

  • PV lohkan - lohkangeahččaleapmi mainna kárte oainnu
    PV lohkan lea erenoamášpedagogalaš lohkaniskkus mainna iská lohkama ja oainnu ovttasdoaimma. Addá dieđu movt teakstasturrodat váikkuha oahppi lohkamii, ja sáhttá maid geavahuvvot iskkadit movt oahppi geavaha oainnu logadettin. 
    Eanet dieđuid gávnnat Statpeda siiddus.

 

 

  • TOSP - guovttegielatvuođa geahččaleapmi 
    Sáhttá veahkkin iskat oahppi giellamáhtu davvisámegillii ja dárogillii.
    Eanet dieđuid gávnnat ovttas.no siiddus.

 

  • 20 gažaldaga giellagálggaid birra
    Skrinenteasta mii geavahuvvo iskkadit vuođđoskuvlaohppiid giellagálggaid, dainna ulbmiliin ahte gávnnaha guđet oahppit dárbbašit liige guorahallama dahje čuovvolahttima. Loga eambbo Statpeda siiddus (dušše dárogillii).

 

  • CDI sámegillii MacArthur-Bates Communicative Development Inventory (CDI) DASAGO prošeakta, Romssa universitehta. 
    Loga eambbo dás.

 

Matematihkkaiskosat ja eará árvvoštallanreaiddut

  • Habtool davvisámegillii
    Erenoamášpedagogalaš reaidu man sáhttá atni veahkkin go galgá ráhkadit oktagaslaš plána dahje oktagaslaš oahpahusplána ohppiide geain leat sierra dárbbut. 
    Loga eambbo Statpeda siiddus.

 

  • Lohkovuolgga
    Skrinenteasta mánáidgárdái dahje vuođđoskuvlla vuosttaš ceahkkái, man ulbmil lea iskat makkár lohkoipmárdus ja doabamáhttu mánás lea.
    Loga eambbo Statpeda siiddus.

 

  • Dynámalaš kártengeahččaleapmi matematihkas 1.-5. ceahki ohppiide 
    Dynámalaš kártengeahččaleapmi mainna iská maid oahppi máhttá bargat ieš, ja masa dárbbaša veahki go bargá matematihkain. Iskosa vuođul sáhttá de oahpaheaddji buorebut heivehit oahpahusa guđege oahppái.
    Kártenávdnasa sáhttá viežžat nuvttá Statpeda siiddus.

 

  • Dynámalaš kártengeahččaleapmi matematihkas 5.-10. ceahki ja joatkkaskuvlla ohppiide 
    Dynámalaš kártengeahččaleapmi mainna iská maid oahppi máhttá bargat ieš, ja masa dárbbaša veahki go bargá matematihkain. Iskosa vuođul sáhttá de oahpaheaddji buorebut heivehit oahpahusa guđege oahppái. Kártenávdnasa sáhttá viežžat nuvttá Statpeda siiddus.

 

  • Myhre matematihkkakárten vuođđo- ja joatkkaskuvlii 
    Matematihka kártengeahččaleapmi davvisámegillii, mii heive vuođđoskuvlii ja joatkkaskuvlii.
    Loga eambbo Statpeda siiddus dahje Ovttas.no siiddus.