Saemien saevege

Saemien saevege

Goeven 6. biejjien lea byögkeles saevegebiejjie Nöörjesne. Dïhte 13. Saemiekonferanse Ååresne, saevegem jååhkesji mïetsken 15. b. 1986. Saemien tjiehpiedæjja Astrid Båhl, noerhte-Romseste, saevegem hammoedamme. Åejviemotijve lea veedtjesovveme gievreste jïh dikteste “Biejjien baernieh” maam åarjelsaemie Anders Fjellner tjaaleme. Saevegen gievlie edtja biejjiem jïh askem vuesiehtidh. Saevegen klaerieh leah plaave, rööpses, viskes jïh kruana, mah leah sïejhmemes klaerieh saemien gaptine.

Veedtjh saevegefijlh daesnie, mejtie maahta klaeriedidh

Saemien saevegen klaerieh jïh dimensjovnh

Vuartesjh NRK-video: Hva betyr det samiske flagget?

Gie lij Anders Fjellner, SNL

Mij gievrie, SNL

Vielie saemien saevegen bïjre, SNL

Byögkeles saemien saevegebiejjieh:

Dah byögkeles saemien saevegebiejjieh mejtie Saemiekonferanse Helsinkisne nænnoesti 1992, Saemiekonferanse Murmanskesne nænnoesti 1996 jïh Saemiekonferanse Tråantesne nænnoesti 2017 leah:

Goevten 6. b. –Saemien åålmegebiejjie goh mojhtese dan voestes rïjhketjåanghkoen bïjre Tråantesne 1917

Njoktjen 2. b. – Såevmien Saemiedigkie tseegkesovvi 1996 jïh saemiedelegasjovnen sijjeste bööti mij tseegkesovvi 1973.

Njoktjen 25. b. – Maarjanbiejjie, aerpievuekien saemien bissiebiejjie

Ruffien 24. b. – Jovnesåhkoejbiejjie

Mïetsken 9. b. – EN:n gaskenasjonaale aalkoeåålmegebiejjie

Mïetsken 15. b. – Saemien saevege nænnoestamme sjïdti daan biejjien 1986

Mïetsken 18. b. – Saemieraerie tseegkesovvi daan biejjien 1956

Mïetsken 26. b. – Rïhpestimmie Sveerjen Saemiedigkeste daan biejjien 1993

Golken 9. b. – Rïhpestimmie Nöörjen Saemiedigkeste daan biejjien 1989

Gålkoen 9. b. – Delegasjovne saemien aamhtesidie tseegkesovvi Såevmesne 1973

Gålkoen 15. b. – Isak Saban reakedsbiejjie 1875. Dïhte saemiej åålmegelaavlomen tekstem tjeeli

Gålkoen 29. b. – Elsa Laula Renbergen reakedsbiejjie 1877